Пяскоў: Крэмль не дае ніякіх ацэнак судоваму працэсу ў Францыі над Дуравым
Фота ТАСС
29 жніўня, Мінск /Кар. БЕЛТА/. Крэмль не дае ніякіх ацэнак судоваму працэсу ў Францыі над Паўлам Дуравым, але сочыць за яго ходам. Аб гэтым заявіў прэс-сакратар Крамля Дзмітрый Пяскоў, паведамляе ТАСС.
Пры гэтым ён адзначыў, што важна, каб падзеі, якія адбываюцца ў Францыі, у адносінах да заснавальніка Telegram не ператварыліся ў палітычнае праследаванне. «Прэзідэнт Францыі адмаўляў якую-небудзь сувязь з палітыкай, але, з іншага боку, прад’яўляюцца пэўныя абвінавачанні», — адзначыў прэс-сакратар прэзідэнта РФ.
Акрамя таго, Пяскоў звярнуў увагу, што Павел Дураў усё яшчэ з’яўляецца грамадзянінам Расійскай Федэрацыі. «Дураў усё яшчэ з’яўляецца грамадзянінам Расіі, а што датычыцца атрымання французскага грамадзянства, тут мы нічога не ведаем, гэта не наша справа», — адзначыў ён.-0-