Пяскоў: адмова Украіны ад расійскага газу нанясе ўрон спажыўцам у ЕС
Фота ТАСС
28 жніўня, Мінск /Кар. БЕЛТА/. Прэс-сакратар прэзідэнта РФ Дзмітрый
Пяскоў заявіў, што адмова Украіны прадаўжаць кантракт на транзіт
расійскага газу нанясе сур’ёзны ўрон інтарэсам еўрапейскіх спажыўцоў. Аб
гэтым паведамляе ТАСС.
«Безумоўна, такое рашэнне ўкраінскага боку нанясе сур’ёзны ўрон і інтарэсам еўрапейскіх спажыўцоў», — сказаў Пяскоў.
Ён
адзначыў, што з-за такога рашэння Еўропе давядзецца плаціць за газ
«значна больш», што зробіць прамысловасць краін кантынента менш
канкурэнтаздольнай.
Пяскоў таксама падкрэсліў, што ў РФ ёсць
альтэрнатыўныя маршруты паставак у Еўропу. «Ёсць альтэрнатыўныя
маршруты, ёсць планы па стварэнні хаба ў Турцыі, вядзецца работа наконт
гэтага», — сказаў прэс-сакратар прэзідэнта РФ.
Раней Уладзімір
Зяленскі заявіў, што Кіеў не будзе прадаўжаць пагадненне з «Газпрамам»
на транзіт расійскага газу, якое заканчваецца ў канцы 2024 года. Ён
таксама адзначыў, што пасля заканчэння кантракта Украіна будзе сумесна з
ЕС прымаць рашэнне аб транзіце расійскага газу праз сваю тэрыторыю ў
Еўропу.-0-
