Палітыка
Кіраўнік МЗС Беларусі падзякаваў Се Сяаюну за ўклад у развіццё беларуска-кітайскіх адносін
Фота МЗС
3 верасня, Мінск . Міністр замежных спраў Рэспублікі Беларусь Максім Рыжанкоў 3 верасня сустрэўся з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Се Сяаюнам у сувязі з завяршэннем яго дыпламатычнай місіі ў нашай краіне. Аб гэтым паведамілі ў прэс-службе беларускага знешнепалітычнага ведамства.
На сустрэчы абмеркаваны актуальныя тэмы беларуска-кітайскага супрацоўніцтва, уключаючы вынікі афіцыйнага візіту прэм’ера Дзяржаўнага савета КНР Лі Цяна 22 і 23 жніўня 2024 года ў Беларусь.
Міністр высока ацаніў дынаміку двухбаковага супрацоўніцтва і падзякаваў Се Сяоюну за яго асабісты ўклад у развіццё беларуска-кітайскіх адносін.
