Беларусь павысіла экспартныя пошліны на некаторыя нафтапрадукты
Фота з архіва
2 кастрычніка, Мінск . Беларусь з 1 кастрычніка павысіла экспартныя пошліны на некаторыя нафтапрадукты, якія вывозяцца за межы мытнай тэрыторыі Еўразійскага эканамічнага саюза. Гэта прадугледжана пастановай Савета Міністраў ад 30 верасня 2024 года нумар 724, якая афіцыйна апублікавана на Нацыянальным прававым інтэрнэт-партале, .
Згодна з дакументам, стаўка вывазной мытнай пошліны за 1 т звадкаваных вуглевадародных газаў сфарміравана на ўзроўні $45,2 (раней — $20,8), за 1 т этану, бутану і ізабутану — $40,6 (раней — $18,7).
Стаўкі экспартных пошлін застаюцца нулявымі на сырую нафту, прамагонны бензін, трымеры і тэтрамеры прапілену, лёгкія і сярэднія дыстыляты, дызельнае паліва, таварныя бензіны, бензол, талуол, ксілолы, мазут, змазачнае масла, адпрацаваныя нафтапрадукты, вазелін і парафін, нафтавы кокс і нафтавы бітум.
