ФОТАФАКТ: Юбілейны 50-ы фестываль «Беларуская музычная восень» у Белдзяржфілармоніі
2 кастрычніка, Мінск . Юбілейны 50-ы фестываль мастацтваў «Беларуская музычная восень» праходзіць у Беларускай дзяржаўнай філармоніі з 1 кастрычніка па 30 лістапада.
Як раней паведамлялі арганізатары, адзін са старэйшых айчынных музычных форумаў прызначаны далучыць самае шырокае кола слухачоў да лепшых узораў сусветнай музычнай спадчыны, азнаёміць з разнастайнасцю жанраў і стыляў айчыннай і замежнай музыкі, прадстаўленай у шырокім кантэксце іншых мастацтваў. Праграма юбілейнага фестывалю асабліва яркая, насычаная і паўнагучная. У «асенняй» афішы звыш 40 вечароў у Вялікай зале і Малой зале імя Р.Шырмы.
Адкрыўся фестываль у Вялікай зале філармоніі 1 кастрычніка ў Міжнародны дзень музыкі канцэртам Дзяржаўнага акадэмічнага сімфанічнага аркестра Беларусі пад кіраўніцтвам галоўнага дырыжора народнага артыста Беларусі Аляксандра Анісімава.
