Лукашэнка павіншаваў Мадуру з перамогай на выбарах Прэзідэнта Венесуэлы | Навіны Беларусі | Беларускія навіны | Беларусь — афіцыйныя навіны | Мінск | БелТА
Нікалас Мадура. Фота AP Photo
29 ліпеня, Мінск . Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Венесуэлы Нікаласа Мадуру з чарговай перамогай на прэзідэнцкіх выбарах. Аб гэтым паведамілі ў прэс-службе беларускага лідара.
«Жыхары вашай краіны такім шляхам падтрымалі курс на пабудову сучаснай і незалежнай дзяржавы, у якой народ можа самастойна вызначаць свой лёс. У вельмі няпростых умовах венесуэльскаму ўраду ўдалося выйсці на паступальнае аднаўленне эканомікі і павышэнне ўзроўню жыцця звычайных грамадзян. Цвёрдую пазіцыю афіцыйнага Каракаса добра чуваць на усіх міжнародных пляцоўках», — гаворыцца ў віншаванні.
Кіраўнік дзяржавы выказаў перакананне, што пад кіраўніцтвам Нікаласа Мадуры Венесуэла прадоўжыць упэўнена крочыць па шляху ўмацавання свайго суверэнітэту, развіцця кампетэнцый па шматлікіх напрамках.
«Мінск гатовы прымаць у гэтым актыўны ўдзел, што было пацверджана ў час нядаўняга візіту прэм’ер-міністра Рэспублікі Беларусь у Каракас. Разлічваю, што да канца года мы зможам сустрэцца з Вамі і прадметна абмеркаваць стан выканання нашых дамоўленасцей», — падкрэсліў Прэзідэнт.
Аляксандр Лукашэнка пажадаў Нікаласу Мадуру выдатнага здароўя і невычэрпнай энергіі для рэалізацыі ўсіх планаў па будаўніцтве моцнай і працвітаючай Венесуэлы.
