Названы склад футбольнай зборнай Беларусі на лістападаўскія матчы Лігі нацый
Фота з архіва
4 лістапада, Мінск . Трэнерскі штаб нацыянальнай зборнай Беларусі вызначыў склад каманды на заключныя матчы Лігі Нацый УЕФА,
Галоўны трэнер беларускай дружыны Карлас Алос уключыў у канчатковы спіс 26 футбалістаў:
варатары — Павел Паўлючэнка («Пахтакор», Ташкент, Узбекістан), Максім Плотнікаў («Тарпеда-БелАЗ», Жодзіна), Фёдар Лапавухаў («Дынама», Мінск);
абаронцы — Аляксандр Мартыновіч («Кайрат», Алматы, Казахстан), Дзяніс Палякоў, Сяргей Паліцевіч, Вадзім Пігас (усе — «Дынама», Мінск), Кірыл Пячэнін («Крылы Саветаў», Самара, Расія), Захар Волкаў («Арсенал», Тула, Расія), Сяргей Карповіч, Ягор Пархоменка (абодва — «Нёман», Гродна), Павел Забелін («Сокал», Саратаў, Расія), Дзмітрый Прышчэпа («Ротар», Валгаград, Расія);
паўабаронцы — Уладзіслаў Клімовіч («Дыяшдзьёр», Венгрыя), Макс Эбонг («Астана», Казахстан), Яўген Яблонскі («Астэрас», Трыпаліс, Грэцыя), Мікіта Корзун («Елімай», Семей, Казахстан), Юрый Кавалёў («Балтыка», Калінінград, Расія), Валерый Грамыка («Кайрат», Алматы, Казахстан), Валерый Бачароў («Уфа», Расія), Аляксандр Сялява («Дынама», Мінск);
нападаючыя — Віталь Лісаковіч («Балтыка», Калінінград, Расія), Дзмітрый Анцілеўскі («Хапаэль», Хайфа, Ізраіль), Максім Кірэеў («Льерс», Бельгія), Герман Баркоўскі («Дынама», Брэст), Яўген Шыкаўка («Карона», Кельцэ, Польшча).
З 11 лістапада каманда будзе рыхтавацца ў Мінску, а затым адправіцца ў Белфаст, дзе 15 лістапада згуляе са зборнай Паўночнай Ірландыі. Потым беларускія футбалісты возьмуць курс на Сафію, дзе 18 лістапада завершаць групавы этап сустрэчай з балгарамі.
Становішча каманд у групе С3 пасля чатырох гульнявых дзён наступнае: Паўночная Ірландыя — 7 ачкоў, Беларусь — 6, Балгарыя — 5, Люксембург — 2. Пераможцы чатырох груп лігі С выйдуць у лігу В. Каманды, што зоймуць другія месцы, правядуць стыкавыя матчы са зборнымі, якія занялі трэція месцы ў квартэтах лігі В.
