Прэзідэнт Кыргызстана адным з прыярытэтаў супрацоўніцтва з Беларуссю назваў прамкааперацыю
Фота МЗС
10 верасня, Мінск . Надзвычайны і Паўнамоцны Пасол Беларусі ў Кыргызстане Сяргей Малуноў 10 верасня ўручыў даверчыя граматы Прэзідэнту Кыргызстана Садыру Жапараву. Аб гэтым расказалі ў прэс-службе беларускага знешнепалітычнага ведамства.
Прэзідэнт Кыргызстана падкрэсліў, што пасол Беларусі з’яўляецца першым, хто ўручае даверчыя граматы ў новай рэзідэнцыі «Ынтымак ардо», што сімвалізуе высокі ўзровень адносін паміж дзвюма дзяржавамі.
Адным з прыярытэтных напрамкаў супрацоўніцтва Кыргызстана з Беларуссю Садыр Жапараў назваў прамысловую кааперацыю, адзначыўшы таксама неабходнасць пашырэння ўзаемадзеяння ў шэрагу іншых галін.
У сваю чаргу Сяргей Малуноў падкрэсліў гатоўнасць Беларусі да больш цеснага партнёрства з Кыргызстанам ва ўсіх сферах двухбаковага супрацоўніцтва.
