Рагожнік правёў сустрэчу з дуаенам дыпламатычнага корпуса ў Маскве
Фота пасольства Беларусі ў РФ
23 ліпеня, Масква /Эдуард Півавар . Пасол Беларусі ў Расіі Аляксандр Рагожнік правёў сустрэчу з дуаенам дыпламатычнага корпуса ў Маскве. Аб гэтым паведамілі ў прэс-службе пасольства.
«У адпаведнасці з дыпламатычнай практыкай першая сустрэча з калегам у пасла Беларусі ў Расіі Аляксандра Рагожніка была з дуаенам дыпламатычнага корпуса ў Маскве — паслом Азербайджана ў Расіі Паладам Бюльбюль аглы (займае пасаду з 2006 года)», — сказалі ў прэс-службе.
Аляксандр Рагожнік і Палад Бюльбюль аглы коратка абмеркавалі сусветны і рэгіянальны парадак дня, асаблівую ўвагу ўдзяліўшы ўрэгуляванню ўкраінскага канфлікту. Субяседнікі высока ацанілі дасягнуты ў беларуска-азербайджанскіх адносінах узровень стратэгічнага партнёрства, падкрэслілі вырашальны ўклад лідараў нашых дзяржаў у яго развіццё.
«Абмяняліся меркаваннямі аб ходзе аднаўлення вернутых тэрыторый Азербайджана — у гэтым працэсе Аляксандр Рагожнік прымаў актыўны ўдзел, калі быў міністрам прамысловасці Беларусі», — адзначылі ў дыпмісіі.
«Асобна абмеркавалі работу Беларусі на пляцоўцы Міждзяржаўнага фонду гуманітарнага супрацоўніцтва дзяржаў — удзельніц СНД, старшынёй праўлення якога з’яўляецца Палад Бюльбюль аглы», — дадалі ў прэс-службе.
