Рознічны тавараабарот у Беларусі ў студзені-маі вырас на 12,2 працэнта
Фота з архіва
17 чэрвеня, Мінск . У Беларусі рознічны тавараабарот у студзені-маі 2024 года склаў Br34,2 млрд, або 112,2 працэнта ў супастаўных цэнах да ўзроўню аналагічнага перыяду 2023 года. Аб гэтым паведамілі ў Нацыянальным статыстычным камітэце.
Аднадзённы рознічны тавараабарот у разліку на душу насельніцтва з пачатку года склаў Br24,5 супраць Br21 за аналагічны перыяд папярэдняга года.
Рознічны тавараабарот арганізацый гандлю, на які прыпала 94,9 працэнта рознічнага тавараабароту рэспублікі, у студзені-маі 2024 года склаў Br32,4 млрд, або 113,1 працэнта ў супастаўных цэнах да адпаведнага перыяду папярэдняга года.
Аптовы тавараабарот у студзені-маі 2024 года склаў Br73,7 млрд, або 108,3 працэнта ў супастаўных цэнах да ўзроўню студзеня-мая 2023 года.
Тавараабарот грамадскага харчавання склаў Br2,3 млрд, або 111,8 працэнта ў супастаўных цэнах да ўзроўню студзеня-мая 2023 года.
