У Беларусі з 1 мая павышаецца бюджэт пражытачнага мінімуму |
Бюджэт пражытачнага мінімуму (БПМ) з 1 мая 2024 года па 31 ліпеня 2024 года ў сярэднім на душу насельніцтва ў разліку на месяц складзе Br418,73.
Новы БПМ для асноўных сацыяльна-дэмаграфічных груп:
— працаздольнага насельніцтва — Br448,99;
— пенсіянераў — Br303,03;
— дзяцей ва ўзросце да 3 гадоў — Br264,93;
— дзяцей ва ўзросце ад 3 да 6 гадоў — Br354,32;
— дзяцей ва ўзросце ад 6 да 18 гадоў — Br413,07.
У сувязі з павышэннем БПМ з 1 мая павялічваюцца:
— памеры дзяржаўных дапамог сем’ям, якія выхоўваюць дзяцей;
— даплаты да пенсій;
— дапамогі па доглядзе інваліда І групы або асобы, якая дасягнула 80-гадовага ўзросту;
— сацыяльныя пенсіі.
Крыніца: пастанова Міністэрства працы і сацыяльнай абароны Рэспублікі Беларусь ад 19 красавіка 2024 года №21.
