Унікальныя славутыя мясціны: Касцёл Святога Казіміра |
Касцёл Святога Казіміра ў аг. Уселюб Гродзенскай вобласці — самы стары з каталіцкіх храмаў Беларусі, якія захаваліся.
Касцёл пабудаваны да 1433 года (дакладная дата невядомая).
Будынак перабудоўваўся на працягу XVI — XVIII стагоддзяў, аднак касцёл захаваў закладзеныя ў XV стагоддзі рысы гатычнага стылю.
Сучасны выгляд храм набыў у XIX стагоддзі, тады да яго была прыбудавана вежа-званіца.
У архітэктуры касцёла спалучаюцца традыцыі беларускага дойлідства і заходнееўрапейскай архітэктурнай школы.
Знешні выгляд храма даволі аскетычны: выцягнутыя лініі, стральчатыя вокны.
Над галоўным уваходам размешчана трох’ярусная званіца.
Галоўны скарб касцёла — скульптурная выява Маці Божай Новага Жыцця — адзіная ў Беларусі фігура Маці Божай цяжарнай.
Храм унесены ў Дзяржаўны спіс гісторыка-культурных каштоўнасцей Беларусі.
Побач з касцёлам — парк плошчай амаль 11 га, закладзены ў XVIII ст. уладальнікамі Уселюба О’Руркамі. З’яўляецца помнікам прыроды рэспубліканскага значэння. Дрэвам-доўгажыхарам пейзажнага парку амаль 150 гадоў.
Крыніцы: адкрытыя крыніцы.
