Сі Цзіньпін: ШАС прыцягвае да сябе ўсё больш прыхільнікаў і аднадумцаў
Сі Цзіньпін. Фота Казінфарм
4 ліпеня, Астана . У сучасную эпоху ШАС прыцягвае да сябе ўсё больш прыхільнікаў і аднадумцаў. Аб гэтым заявіў Старшыня КНР Сі Цзіньпін на сустрэчы ў фармаце «ШАС плюс» у Астане,
«Сучасны свет перажывае беспрэцэдэнтныя пераўтварэнні глабальнага, эпахальнага, гістарычнага значэння. Разгортваецца чарговая навукова-тэхнічная і прамысловая рэвалюцыя. Ва ўмовах кардынальных перамен вельмі важна набрацца мудрасці, знаходлівасці і поўнай рашучасці. Неабходна кіравацца «шанхайскім духам», няўхільна прытрымлівацца шляху развіцця ў адпаведнасці з нацыянальнымі асаблівасцямі і рэаліямі ў рэгіёне. Важна сумесна пабудаваць цудоўны дом для ШАСаўскай сям’і, дзе народы нашых краін могуць жыць у спакоі і шчасці», — сказаў Сі Цзіньпін.
Для гэтага, паводле яго слоў, перш за ўсё трэба стварыць атмасферу з’яднанасці і даверу. «Трэба ўзаемна паважаць самастойна выбраны шлях развіцця, падтрымліваць адзін аднаго ў адстойванні інтарэсаў. Праз стратэгічны дыялог устараняць рознагалоссі, збліжаць пазіцыі і ўмацоўваць узаемны давер», — падкрэсліў Старшыня КНР.
