Чартарная праграма з Мінска ў егіпецкі Эль-Аламейн прадоўжана да лістапада
Фота з архіва
18 ліпеня, Мінск . Чартарная праграма з Мінска на Міжземнае мора Егіпта ў Эль-Аламейн прадоўжана да лістапада. Аб гэтым паведамілі БЕЛТА ў Рэспубліканскім саюзе турыстычнай індустрыі.
«У чэрвені стартавала чартарная праграма «Белавія» ў Эль-Аламейн, на Міжземнае мора Егіпта. Новы напрамак ужо спадабаўся турыстам, якія адзначаюць у першую чаргу незвычайнай прыгажосці мора, параўноўваючы яго з Мальдывамі, Кубай, Італіяй і Турцыяй, спалучэнне бясконцых пляжаў, абсалютна празрыстай вады і прасторы на многія кіламетры. Так, загрузка рэйсаў на вылеты ў жніўні на гэты час складае 60 працэнтаў», — расказалі ў Рэспубліканскім саюзе турыстычнай індустрыі.
У сувязі з добрай загрузкай рэйсаў і ўстойлівым попытам на рынку на новы напрамак заяўленая чартарная праграма прадаўжаецца з павелічэннем на чатыры рэйсы да пачатку лістапада.
