Мінпрацы: узровень вытворчага траўматызму ў будаўнічых арганізацыях знізіўся на 16 працэнтаў
Фота з архіва
1 жніўня, Мінск . Па выніках першага паўгоддзя 2024 года ўзровень вытворчага траўматызму ў будаўнічых арганізацыях знізіўся на 16 працэнтаў. Аб гэтым БЕЛТА паведамілі ў Міністэрстве працы і сацыяльнай абароны.
Як адзначылі ў Мінпрацы, у першым паўгоддзі бягучага года адзначана дадатная дынаміка зніжэння ўзроўню вытворчага траўматызму ў будаўнічых арганізацыях рэспублікі са 124 да 104 траўміраваных, у тым ліку з 15 да 7 загінулых (або на 16,1 працэнта і 53,3 працэнта адпаведна ў параўнанні з аналагічным перыядам мінулага года).
«У рамках наглядных мерапрыемстваў, праведзеных Дэпартаментам дзяржаўнай інспекцыі працы, а таксама мабільнымі групамі мясцовых органаў улады абследавана больш як 1,4 тыс. будаўнічых арганізацый і выяўлена каля 17 тыс. парушэнняў, — дапоўнілі ў ведамстве. — Парушэннямі заканадаўства аб ахове працы, якія найбольш часта выяўляліся, сталі пытанні забеспячэння працуючых сродкамі індывідуальнай аховы, інструктавання працуючых па пытаннях аховы працы, утрымання і арганізацыі рабочых месцаў, а таксама навучання і праверкі ведаў работнікаў па пытаннях аховы працы».
У Мінпрацы звярнулі ўвагу, што 2024 год аб’яўлены Годам бяспекі працы ў будаўніцтве.
