Пасол КНР: парламенцкае супрацоўніцтва Беларусі і Кітая развіваецца паспяхова
3 верасня, Мінск . Парламенцкае супрацоўніцтва Беларусі і Кітая развіваецца вельмі паспяхова, заявіў журналістам Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь Се Сяаюн па выніках сустрэчы са старшынёй Савета Рэспублікі Наталляй Качанавай. Сустрэча арганізавана ў сувязі з завяршэннем дыпламатычнай місіі пасла ў нашай краіне,
«На працягу чатырох гадоў кітайска-беларускія адносіны атрымалі ўсебаковае развіццё. Наша парламенцкае супрацоўніцтва таксама ідзе вельмі паспяхова. Гэта дазваляе нам развіваць супрацоўніцтва ў заканадаўчай дзейнасці, паміж рэгіёнамі і моладдзю, — сказаў пасол. — Словам, на фоне цудоўнага развіцця кітайска-беларускіх адносін парламенцкае супрацоўніцтва ідзе вельмі плённа». 
Паводле яго слоў, важным момантам для развіцця супрацоўніцва паміж краінамі ў маі гэтага года стаў афіцыйны візіт парламенцкай дэлегацыі Беларусі на чале са старшынёй Савета Рэспублікі Наталляй Качанавай у КНР. У выніку паміж краінамі было дасягнута вельмі шмат дамоўленасцей аб развіцці супрацоўніцтва ў заканадаўчай галіне. Можна сказаць, што гэты візіт завяршыўся поўным поспехам і дасць вялікі імпульс развіццю супрацоўніцтва паміж парламентарыямі.
Фота Мікалая Пятрова
