«Разгарнуць інвестыцыйны цыкл на ўсёй БЧ». Сівак прадставіў калектыву новага начальніка чыгункі
Валерый Вярэніч
13 жніўня, Мінск . Намеснік прэм’ер-міністра Анатоль Сівак прадставіў калектыву новага начальніка Беларускай чыгункі Валерыя Вярэніча,
Указам Прэзідэнта Рэспублікі Беларусь ад 12 жніўня 2024 года нумар 318 Валерый Вярэніч назначаны начальнікам Беларускай чыгункі. Да назначэння на гэту пасаду ён працаваў першым намеснікам міністра транспарту і камунікацый.
«Для чыгуначнікаў ён не новы чалавек. У бягучым годзе Валерый Вярэніч перайшоў на работу ў Міністэрства транспарту і камунікацый. Там ён паглядзеў на работу чыгуначнага транспарту пад іншым вуглом, пачаў разумець, што такое дзяржслужба і як тут уладкавана сістэма прыняцця рашэнняў на самым высокім узроўні», — адзначыў Анатоль Сівак.
Ён дадаў, што адно з самых важных пажаданняў новаму кіраўніку БЧ ад Аляксандра Лукашэнкі — гэта аднаўленне таго, што страчана. «Страты заўсёды бываюць. Яны не заўсёды залежаць непасрэдна ад кіраўнікоў і супрацоўнікаў. Часта на гэта ўплывае час, а яго сутнасць — гэта змяненні», — сказаў намеснік прэм’ер-міністра.
Таксама ён падкрэсліў, што БЧ варта інвесціраваць не толькі ў кадры, але і ў вытворчы патэнцыял.
«Чыгунка — гэта вельмі складаны арганізм, сур’ёзныя асноўныя фонды, якія штодзень знаходзяцца ў руху і кантакце. А развівацца такі комплекс будзе толькі пры ўмове адпаведных інвестыцый, і гэтым неабходна заняцца. Разгарнуць інвестыцыйны цыкл на ўсёй БЧ — задача нумар адзін сёння», — канстатаваў віцэ-прэм’ер.
Гаворачы аб кіраўніцкіх працэсах, ён звярнуў увагу, што новыя прапановы па гэтым пытанні будуць падтрыманы. «Пры гэтым існуючы калектыў БЧ, паводле маіх ацэнак, з’яўляецца ўзорам эфектыўнасці ў сферы чыгуначнага транспарту. Гэта можна ацаніць праз паказчыкі сабекошту і затрат. Ужо шмат разоў ацэньвалася тое, што адбывалася на ўсходзе і на захадзе, але канкурэнтаздольнасць Беларускай чыгункі даказана часам», — заявіў Анатоль Сівак.
Намеснік прэм’ер-міністра пажадаў калектыву Беларускай чыгункі пад кіраўніцтвам новага начальніка станоўчых вынікаў у рабоце, а таксама хутчэйшага пераадолення ўсіх цяжкасцей.
