Традыцыйнае адзенне, фальклорная музыка. Што ўбачаць новасібірцы ў час Дзён культуры Беларусі
Фота з архіва
20 верасня, Мінск . Што ўбачаць новасібірцы ў час Дзён культуры Беларусі, расказалі прадстаўнікі Новасібірскай вобласці ў час прэс-канферэнцыі,
«Як і было запланавана, нашы калегі з Беларусі прыязджаюць да нас з візітам у адказ. У маі 2024 з вялікім поспехам нашы калектывы выступілі ў Мінску ў рамках «Дзён культуры Новасібірскай вобласці ў Рэспубліцы Беларусь». Цяпер праграмы вядучых культурных устаноў Беларусі будуць прадстаўлены на розных пляцоўках у Новасібірску. І гэта, вядома ж, сведчыць аб тым, што супрацоўніцтва дзвюх краін прадаўжае развівацца, у тым ліку і ў культуры», — сказала намеснік міністра культуры Новасібірскай вобласці Ірына Рудкоўская.
Яна дадала, што 27 верасня ў Канцэртнай зале імя А.М.Каца пройдзе гала-канцэрт майстроў мастацтваў Беларусі. На сцэне Новасібірскай дзяржаўнай філармоніі выступяць салісты Вялікага тэатра, народныя і заслужаныя артысты Беларусі, лаўрэаты розных міжнародных конкурсаў. Сваю творчасць прадставяць ансамбль песні, танца і музыкі «Белыя росы», фальклорны ансамбль «Купалінка», вакальны ансамбль «Камерата» Беларускай дзяржаўнай філармоніі. Таксама 27 верасня ў Новасібірску адкрыецца VII кірмаш беларускіх тавараў.
Выконваючы абавязкі дырэктара Новасібірскага дзяржаўнага краязнаўчага музея Антон Рубшаў дадаў, што ў Новасібірскім дзяржаўным краязнаўчым музеі 27 верасня адкрыецца выстава «Беларсь у рытме традыцый», якая рэалізавана сумесна з Нацыянальным гістарычным музеем Беларусі і з’яўляецца прадаўжэннем іх партнёрства. «У маі — чэрвені мы прадстаўлялі ў Нацыянальным гістарычным музеі выставу «Сібір тут». Выстава, якую прывозіць да нас музей, азнаёміць наведвальнікаў з традыцыйнай культурай беларускага народа. Яна будзе дапоўнена прадметамі з нашых фондаў, таму што перасяленцы з Беларусі ў часы Івана Грознага прыязджалі ў Сібір, і ў нашых фондах сфарміравалася невялікая калекцыя этнаграфічных прадметаў», — адзначыў Антон Рубшаў.
«Цэнтральнае месца на выставе зоймуць нацыянальныя касцюмы з розных рэгіёнаў рэспублікі. Гэта невыпадкова. Традыцыйнае адзенне — адзін з галоўных элементаў этнічнай культуры беларусаў. Яно адлюстроўвае іх нацыянальную спецыфіку, і глядач зможа даведацца, што абазначае пэўны арнамент на адзенні. Комплекс касцюмаў будзе дапоўнены малюнкамі традыцыйнага адзення этнографа і мастака Міхаіла Раманюка. Таксама ў экспазіцыі можна будзе ўбачыць прадметы народнай творчасці, выкананыя ў традыцыйнай тэхніцы народных рамёстваў: бандарныя і ганчарныя вырабы, разьба па дрэве, пляценне з саломы і лазы, бяросты і валенне», — падкрэсліў Антон Рубшаў.
Праграмны дырэктар Цэнтра культуры і адпачынку «Перамога» Ганна Агароднікава дадала, што 26 верасня ў 15.00 у кінатэатры «Перамога» пройдзе ўрачыстае адкрыццё Дзён беларускага кіно. «Для яго нашы калегі прапанавалі карціну рэжысёра Івана Паўлава «Пара вярнуцца». Я думаю, што выбар не выпадковы, таму што фільм прысвечаны ваеннай тэматыцы, і традыцыйна для беларускага кінематографа гэта тэма вельмі актуальна. Радасна, што аўтар карціны будзе ў Новасібірску і зможа прадставіць свой фільм публіцы. Мы таксама чакаем генеральнага дырэктара Нацыянальнай кінастудыі «Беларусьфільм» Юрыя Аляксея і спадзяёмся, што фільмы, якія наступныя дні будуць паказаны на іншых пляцоўках горада, прыцягнуць увагу гледачоў», — рэзюмавала Ганна Агароднікава.
