XXXIII Міжнародны фестываль мастацтваў «Славянскі базар у Віцебску» |
У 2024 годзе ў Беларусі праводзіцца XXXIII Міжнародны фестываль мастацтваў «Славянскі базар у Віцебску».
Тэрміны правядзення — з 9 па 15 ліпеня.
Цырымонія адкрыцця фестывалю — 11 ліпеня.
Цырымонія закрыцця — 14 ліпеня.
На фестываль акрэдытавана больш за 5 тыс. удзельнікаў з 33 краін, у конкурсных праграмах удзельнічаюць прадстаўнікі 22 дзяржаў.
У праграме мерапрыемстваў:
XXXIII Міжнародны конкурс выканаўцаў эстраднай песні «Віцебск» і XXII Міжнародны дзіцячы музычны конкурс «Віцебск»;
Дзень нацыянальных культур краін — удзельніц ШАС (12 ліпеня);
Дні Саюзнай дзяржавы (12-14 ліпеня);
фэст вулічнага мастацтва «На сямі вятрах»;
«Горад майстроў» і «Задзвінскі кірмаш»;
канцэрты, творчыя сустрэчы, маладзёжная праграма.
Факты пра фестываль
Упершыню «Славянскі базар у Віцебску» прайшоў 18 ліпеня 1992 года.
У 2000 годзе фестываль устанавіў рэкорд, сабраўшы на сцэне прадстаўнікоў абсалютна ўсіх славянскіх народаў, што жывуць на зямлі.
У 2009 годзе адбылося адкрыццё Алеі лаўрэатаў, удастоеных спецыяльнай узнагароды Прэзідэнта Рэспублікі Беларусь «Праз мастацтва — да міру і ўзаемаразумення».
Асноўныя тэмы фестывалю 2024 года — 80-годдзе вызвалення Беларусі ад нямецка-фашысцкіх захопнікаў, Год якасці, 110-годдзе з дня нараджэння кампазітара Марка Фрадкіна — ураджэнца Віцебска, 50-годдзе ансамбля «Сябры».
Крыніца: Цэнтр культуры «Віцебск».
