Лукашэнка: Беларусь гатова і ў далейшым развіваць узаемавыгадныя кантакты з Чарнагорыяй | Навіны Беларусі | Беларускія навіны | Беларусь — афіцыйныя навіны | Мінск | БелТА
13 ліпеня, Мінск . Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў народ Чарнагорыі з нацыянальным святам — Днём дзяржаўнасці. Аб гэтым паведамілі ў прэс-службе беларускага лідара.
Адносіны Беларусі і Чарнагорыі заснаваны на даўніх і добрых традыцыях дружбы і духоўнай блізкасці, адзначыў кіраўнік дзяржавы. «У Рэспубліцы Беларусь шчыра сімпатызуюць народу Чарнагорыі і нязменна гатовы і ў далейшым развіваць узаемавыгадныя кантакты на карысць абедзвюх краін, зберагаючы свае самабытнасць, традыцыі і культуру», — гаворыцца ў віншаванні.
Прэзідэнт выказаў упэўненасць, што ў сучасных умовах захаванне партнёрскага ўзаемадзеяння на аснове павагі і раўнапраўя з’яўляецца адзіным верным шляхам развіцця двухбаковага супрацоўніцтва, накіраванага ў будучыню.
Аляксандр Лукашэнка пажадаў жыхарам Чарнагорыі міру, дабрабыту і ўпэўненасці ў заўтрашнім дні.
