Як будуць працаваць установы аховы здароўя ў выхадныя і святы мая, расказалі ў Міністэрстве аховы здароўя
Фота з архіва
26 красавіка, Мінск . Міністэрства аховы здароўя зацвердзіла графік работы ўстаноў аховы здароўя для арганізацыі аказання медыцынскай дапамогі насельніцтву ў выхадныя і святочныя дні ў маі, расказалі ў прэс-службе Міністэрства аховы здароўя.
Амбулаторна-паліклінічнае звяно, амбулаторна-паліклінічныя падраздзяленні бальніц і РНПЦ, арганізацыі пералівання крыві, санітарна-эпідэміялагічныя арганізацыі, аптэкі, арганізацыі медтэхнікі 1, 9 і 14 мая будуць працаваць па графіку святочнага дня, 10 і 18 мая — рабочага, 11 і 13 мая — суботняга, 12 і 19 мая — выхаднога.
Зменіцца графік работы таксама бальніц і РНПЦ. 1, 9 і 14 мая яны будуць працаваць па графіку святочнага дня, 10 і 13 мая — рабочага, 11 і 18 мая — суботняга, 12 і 19 мая — выхаднога.
У Міністэрстве аховы здароўя адзначылі, што пры фарміраванні графікаў работы медперсаналу ўлічваецца існуючая эпідэмічная сітуацыя і аб’ёмы меддапамогі. Традыцыйна служба хуткай (неадкладнай) меддапамогі працуе ў рэжыме павышанай гатоўнасці.