Лукашэнка павіншаваў Прэзідэнта Кыргызстана з 55-годдзем | Навіны Беларусі | Беларускія навіны | Беларусь — афіцыйныя навіны | Мінск | БелТА
Прэзідэнт Беларусі Аляксандр Лукашэнка 22 лістапада правёў сустрэчу з Прэзідэнтам Кыргызстана Садырам Жапаравым. Фота з архіва
6 снежня, Мінск . Прэзідэнт Беларусі Аляксандр Лукашэнка павіншаваў Прэзідэнта Кыргызстана Садыра Жапарава з 55-годдзем. Аб гэтым паведамілі ў прэс-службе беларускага лідара.
«Паспяховае развіццё сучаснага Кыргызстана ў многім звязана з праводзімай Вамі эфектыўнай палітыкай, арыентаванай на рост дабрабыту народа і ўмацаванне міжнароднага аўтарытэту дзяржавы», — гаворыцца ў віншаванні.
Аляксандр Лукашэнка адзначыў, што сёння гасцінны Бішкек становіцца цэнтрам інтэграцыйнага прыцягнення, дзе праходзяць самыя знакавыя мерапрыемствы на прасторы СНД, ЕАЭС і ШАС. «Упэўнены, нашы нядаўнія сустрэчы ў сталіцах Беларусі і Кыргызстана нададуць пазітыўны імпульс двухбаковым адносінам, напоўняць іх новым практычным зместам», — падкрэсліў Прэзідэнт.
Кіраўнік дзяржавы пажадаў Садыру Жапараву добрага здароўя, дабрабыту і дасягнення намечаных мэт.