Мітрапаліт Веніямін: у фільмах важна паказваць прыклад чалавека, які натхняе на добрае і карыснае
Мітрапаліт Мінскі і Заслаўскі Веніямін, Патрыяршы Экзарх усяе Беларусі
8 снежня, Мінск . Важна паказваць прыклад чалавека, які аб’ядноўвае і натхняе на добрае і карыснае. Такой думкай падзяліўся мітрапаліт Мінскі і Заслаўскі Веніямін, Патрыяршы Экзарх усяе Беларусі 7 снежня на прэзентацыі дакументальнага фільма «Свяшчэннамучанік Іаан Рыжскі. На гарачым шляху» ў Доме Масквы ў Мінску,
Фільм, прадстаўлены ў Мінску, прысвечаны архіепіскапу Рыжскаму Іаану (Померу), дзяржаўнаму і царкоўнаму дзеячу ХХ стагоддзя, святому Рускай праваслаўнай царквы, які ў 1912 годзе служыў на беларускай зямлі. «Мы сабраліся, каб успомніць пра чалавека святога жыцця, як ён жыў і пераадольваў цяжкасці, што сустракаюцца на жыццёвым шляху. Разам з тым фільм дапаможа правесці некаторыя паралелі з нашым часам. Мы ўбачым многія падобныя моманты і гісторыю жыцця гэтага выдатнага чалавека, які змог прымірыць раздзяленне ў грамадстве, аб’яднаць людзей, натхніць на добрае і карыснае і знаходзіць патрэбныя рашэнні ў канкрэтнай сітуацыі. Гэта вельмі важна для сучаснага чалавека. Тым больш цяпер, калі ў свеце адбываецца раздзяленне», — сказаў мітрапаліт Веніямін.
Ён таксама адзначыў, што архіепіскап Рыжскі Іаан (Помер) служыў у Беларусі. «Ён быў пасвячоны 11 сакавіка 1912 года ў епіскапскі сан у Аляксандра-Неўскім прыходзе. У гэтым храме, усім вядомым у нашай сталіцы, 8 месяцаў ён нёс служэнне ў якасці вікарнага епіскапа. Затым ён прадаўжаў сваё служэнне ва Украіне і Расіі. І ўсюды ён нёс слова праўды, любові і заклікаў да яднання», — дадаў уладыка. Паводле яго слоў, фільм дэманструе цвёрдасць перакананняў, веру, мужнасць і іншыя дабрадзейнасці галоўнага героя. «Гэта тое, што вельмі важна сучаснаму чалавеку, калі яго каштоўнасць часам вымяраецца не маральнымі якасцямі, а знешнімі поспехамі», — падкрэсліў мітрапаліт Веніямін.
Здымкі фільма праходзілі на тэрыторыі шэрага краін, у тым ліку ў Беларусі. Праект рэалізаваны ВГК «Саюз» пры падтрымцы Міністэрства лічбавага развіцця, сувязі і масавых камунікацый Расійскай Федэрацыі.
