Алейнік і Лаўроў адзначылі істотную актывізацыю ўзаемадзеяння Беларусі і Расіі
Фота МЗС Беларусі
30 студзеня, Мінск . У Санкт-Пецярбургу на палях пасяджэння Вышэйшага дзяржаўнага савета Саюзнай дзяржавы адбылася сустрэча міністра замежных спраў Беларусі Сяргея Алейніка з міністрам замежных спраў Расіі Сяргеем Лаўровым. Аб гэтым паведамілі ў прэс-службе беларускага знешнепалітычнага ведамства.
Бакі абмеркавалі пытанні знешнепалітычнага супрацоўніцтва і рэалізацыю праграмы ўзгодненых дзеянняў у знешняй палітыцы на 2024-2026 гады.
«Закранута тэма інтэграцыйнага будаўніцтва. Падкрэслена істотная актывізацыя ў 2022-2023 гадах беларуска-расійскага ўзаемадзеяння ў фармаце Саюзнай дзяржавы», — праінфармавалі ў МЗС.
Сяргей Алейнік і Сяргей Лаўроў з задавальненнем адзначылі паслядоўнае нарошчванне інтэнсіўнасці беларуска-расійскага рэгіянальнага супрацоўніцтва, пашырэнне спектра напрамкаў і форм кааперацыі дзвюх краін.
«У кантэксце маючай адбыцца 80-й гадавіны вызвалення Беларусі ад фашысцкіх захопнікаў і на фоне 80-годдзя поўнага зняцця фашысцкай блакады Ленінграда міністры падкрэслілі нязменную прыхільнасць Беларусі і Расіі да адстойвання гістарычнай праўды і недапушчэння фальсіфікацыі і перапісвання падзей Вялікай Айчыннай вайны. Разгледжаны сумесныя ініцыятывы па гэтай тэме, у тым ліку на шматбаковых пляцоўках», — адзначылі ў МЗС.
Бакі абмеркавалі ўзаемадзеянне ў рамках ШАС і БРІКС, а таксама сумесныя праекты ў міжнародных арганізацыях. Пацвердзілі намер прадоўжыць выступаць з адзіных пазіцый і аказваць узаемную падтрымку.
