Прэзідэнт Зімбабвэ прыняў даверчыя граматы пасла Беларусі і пацвердзіў гатоўнасць наведаць Мінск
Фота МЗС
7 лютага, Мінск . Надзвычайны і
Паўнамоцны Пасол Беларусі ў Зімбабвэ Ігар Маршалаў уручыў даверчыя граматы
Прэзідэнту гэтай краіны Эмерсану Мнангагву. Аб гэтым паведамілі ў
прэс-службе Міністэрства замежных спраў.
У ходзе сустрэчы бакі абмяняліся думкамі па
актуальных тэмах міжнароднага парадку дня, абмеркавалі ход рэалізацыі сумесных
праектаў і перспектывы далейшага паглыблення беларуска-зімбабвійскага
супрацоўніцтва, у тым ліку ў сферы сельскай гаспадаркі і прамысловай
кааперацыі. Закраналіся таксама пытанні падрыхтоўкі і правядзення ў Харарэ
першага пасяджэння сумеснай пастаяннай камісіі па супрацоўніцтве паміж
Беларуссю і Зімбабвэ.
«Прэзідэнт Эмерсан Мнангагва пацвердзіў
гатоўнасць наведаць Беларусь з візітам», — паведамілі ў МЗС.