Шымановіч і Сарасуа выйшлі ў 1/2 фіналу турніру WTA-125 у Мексіцы
Фота Pixabay
23 лютага, Мінск . Беларуска Ірына Шымановіч і мексіканка Рэната Сарасуа прабіліся ў паўфінал парнага разраду турніру WTA-125 у мексіканскім Пуэрта-Вальярта з прызавым фондам $115 тыс.,
У чвэрцьфінале яны перамаглі ў дзвюх партыях расійскіх тэнісістак Ірыну Храмачову і Яну Сізікаву — 6:4, 6:4. У паўфінальным матчы Шымановіч і Сарасуа сустрэнуцца з французска-чэшскім тандэмам Эліксан Лечэмія / Ганна Шышкова. У 1/8 фіналу адзіночнага разраду Ірына Шымановіч прайграла ў двух сэтах амерыканцы Хейлі Баптыст — 0:6, 1:6.
На турніры WTA-1000 у Дубаі з прызавым фондам $3,2 млн беларуска Аляксандра Сасновіч і нямецкая тэнісістка Лаўра Зігемунд не змаглі прабіцца ў фінал парнага разраду, уступіўшы аўстралійска-амерыканскаму дуэту Элен Перэс / Ніколь Мелічар-Марцінес — 3:6, 2:6.
