СК РФ устанавіў, што самалёт Іл-76 збілі з амерыканскага комплексу Patriot
Скрыншот відэа СК РФ
1 лютага, Мінск /Кар. БЕЛТА/. Расійскі ваенна-транспартны самалёт Іл-76 быў збіты ў Белгародскай вобласці з амерыканскага ЗРК Patriot дзвюма ракетамі, усяго выяўлена 116 іх фрагментаў. Аб гэтым паведамляе прэс-служба Следчага камітэта РФ, піша газета «Известия».
У ведамстве адзначылі, што «паводле заключэння праведзеных у ходзе следства экспертыз, узятыя з месца здарэння фрагменты, згодна з іх канструктыўнымі асаблівасцямі, геаметрычнымі характарыстыкамі і маркіровачнымі пазначэннямі, з’яўляюцца элементамі канструкцыі зенітнай кіруемай ракеты Mim-104A комплексу Patriot ЗША, распрацаванай карпарацыямі Raytheon і Hughes і вырабленай у Raytheon».
Таксама ўстаноўлена, што самалёт быў атакаваны з раёна населенага пункта Ліпцы Харкаўскай вобласці Украіны.
24 студзеня раніцай самалёт Іл-76 пацярпеў крушэнне ў Белгародскай вобласці, на яго борце знаходзіліся 74 чалавекі, з іх 65 украінскіх палонных. Усе загінулі. У Мінабароны РФ заявілі, што самалёт збілі УСУ пры дапамозе дзвюх ракет і назвалі здарэнне тэрарыстычным актам.-0-
