Апошні званок і выпускныя экзамены ў школах |
Навучальны год 2023/2024 завершыцца 31 мая.
Апошні званок для навучэнцаў 9-х і 11-х класаў празвініць 25 мая.
Выпускныя экзамены для 9-х класаў пройдуць з 1 па 10 чэрвеня.
Выпускнікі базавай школы здаюць экзамены па наступных вучэбных прадметах:
беларуская мова (пераказ),
руская мова (пераказ),
матэматыка (кантрольная работа),
гісторыя Беларусі (па білетах у вуснай форме).
Для выпускнікоў 11-х класаў падагульняючыя іспыты праводзяцца ў выглядзе цэнтралізаванага экзамену (ЦЭ):
ЦЭ па прадмеце на выбар* — 27 мая.
ЦЭ па рускай або беларускай мове (на выбар навучэнца) — 30 мая.
У 2024 годзе колькасць выпускнікоў 9-х класаў складае каля 108 тыс. чалавек, 11-х класаў — каля 55,5 тыс.
* Па фізіцы, матэматыцы, хіміі, біялогіі, замежнай мове (англійская, нямецкая, іспанская, французская, кітайская), гісторыі Беларусі, сусветнай гісторыі (навейшы час), геаграфіі, грамадазнаўстве.
Крыніца: Міністэрства адукацыі.
