Белянкоў выступіць на Матчы зорак Адзінай лігі ВТБ
Фота з архіва
15 лютага, Мінск . Беларускі нападаючы краснаярскага «Енісея» Яўген Белянкоў прыме ўдзел у баскетбольным шоу «Матч зорак Адзінай лігі ВТБ — 2024»,
У гэтым сезоне Белянкоў цвёрда замацаваўся ў асноўным складзе «Енісея» і не раз завяршаў атакі эфектнымі кідкамі зверху. Гэта і адзначылі арганізатары Матчу зорак, запрасіўшы 28-гадовага беларуса на SLAM DANK CONTEST. Разам з Яўгенам Белянковым у ім прымуць удзел Брэндан Гарэт («Аўтадор», Саратаў), Дэван Акун-Персел («Лакаматыў-Кубань», Краснадар) і Бі Джэй Джонсан («Парма», Перм).
У праграме Матчу зорак — 2024 таксама конкурс трохачковых кідкоў і, уласна, паядынак дзвюх каманд, складзеных з лепшых ігракоў Адзінай лігі ВТБ гэтага сезона. Баскетбольнае шоу пройдзе 18 лютага на пляцоўцы маскоўскай «ВТБ Арэны».
