Дзяржава назначыць свайго прадстаўніка ў БНБК
Фота з архіва
19 снежня, Мінск . Дзяржава як акцыянер назначыць свайго прадстаўніка ў кіраўніцтва Беларускай нацыянальнай біятэхналагічнай карпарацыі. Аб гэтым расказаў журналістам віцэ-прэм’ер Леанід Заяц па выніках нарады ў Прэзідэнта,
«Прэзідэнт заслухаў даклады службовых асоб, кіраўнікоў БНБК і яшчэ раз нагадаў аб тым, што гэта вельмі патрэбнае прадпрыемства для Беларусі, яно значнае і павінна вырашаць праблемы ў жывёлагадоўлі», — адзначыў Леанід Заяц.
Паводле яго слоў, было вырашана «ўмацаваць кіраўніцтва» БНБК прадстаўніком дзяржавы, на яго ўскладуць функцыю кантролю за работай прадпрыемства. Інакш кажучы, прадстаўнік дзяржавы будзе адказваць за стратэгію, а непасрэдны кіраўнік карпарацыі — за тактыку.
Як паведамлялася, у час нарады Аляксандр Лукашэнка падкрэсліў, што Беларуская нацыянальная біятэхналагічная карпарацыя — гэта іміджавы і вельмі важны праект для краіны. Разам з тым, паводле інфармацыі кіраўніка дзяржавы, на прадпрыемстве справы ідуць не зусім так, як планавалі. Прэзідэнт пацікавіўся, як там рэалізуюцца вытворчыя планы і экспартная стратэгія, ці патрэбны дадатковыя рашэнні для збалансаванага развіцця карпарацыі.
