У Беларусі ўстаноўлены юбілейны медаль да 100-годдзя органаў гандлю | Навіны Беларусі | Беларускія навіны | Беларусь — афіцыйныя навіны | Мінск | БелТА
21 сакавіка, Мінск . Кіраўнік дзяржавы Аляксандр Лукашэнка 21 сакавіка падпісаў указ нумар 106 аб устанаўленні юбілейнага медаля «100 год органам гандлю Беларусі». Аб гэтым БЕЛТа паведамілі ў прэс-службе Прэзідэнта.
Дакументам таксама зацверджана палажэнне аб юбілейным медалі, яго апісанне і ўзор пасведчання да яго.
На правым баку ў цэнтры размешчана шматколерная выява геральдычнага знака — эмблемы Міністэрства антыманапольнага рэгулявання і гандлю. Злева і справа па акружнасці аверса размешчаны вянок з лаўровага лісця, а ў ніжняй частцы — надпіс з назвай узнагароды.
На адваротным баку медаля — вянок з лісця лаўра і надпіс «1924-2024».
Юбілейным медалём будуць узнагароджваць работнікаў МАРГ, органаў і арганізацый, што ўваходзяць у сістэму гэтага міністэрства, арганізацый сфер гандлю, грамадскага харчавання, абароны правоў спажыўцоў і рэкламы за ўзорнае выкананне службовых абавязкаў. Узнагароджваць медалём будуць таксама работнікаў іншых дзяржорганаў і арганізацый, якія актыўна супрацоўнічаюць з МАРГ, іншых асоб, якія ўнеслі значны ўклад у развіццё сферы гандлю.
