Дырэкцыя «Славянскага базару ў Віцебску» аб’явіла конкурс для кавер-груп
20 сакавіка, Віцебск . Дырэкцыя Міжнароднага фестывалю мастацтваў «Славянскі базар у Віцебску» правядзе конкурс для кавер-груп. Аб гэтым паведамілі ў Цэнтры культуры «Віцебск».
Пераможца конкурсу атрымае магчымасць выступіць на пляцоўцы перад канцэртнай залай «Віцебск». Размова аб начным шоу 12 ліпеня «Танцпляцоўка з «Душэўным радыё».
Інфармацыю аб сваіх калектывах музыканты могуць прысылаць да 1 мая на адрас: tancploshchadka@dushevnoeradio.by. У пісьмо трэба ўкласці прэс-рэліз аб кавер-групе, інфармацыю аб складзе калектыву, рэпертуары, а таксама відэа з выступленняў.
Як адзначаюць у дырэкцыі форуму, выбіраць пераможцу будуць улічваючы многія нюансы. Журы ацэніць вопыт выступленняў на адкрытых пляцоўках, артыстызм, харызматычнасць, якасць і прафесіяналізм выканання, а таксама адпаведнасць рэпертуару мэтам і задачам мерапрыемства.
«Арганізатары конкурсу пакідаюць за сабой права выбару аднаго калектыву з далейшым інфармаваннем усіх прэтэндэнтаў аб прынятым рашэнні», — удакладнілі ў дырэкцыі фестывалю.
