Баскетбалісткі «Гарызонта» заваявалі Кубак Беларусі
Фота БК «Гарызонт»
22 снежня, Мінск . Баскетбалісткі «Гарызонта» чацвёрты раз запар заваявалі Кубак Беларусі сярод жаночых каманд,
У вырашальным матчы 27-га кубкавага турніру падапечныя Наталлі Трафімавай абыгралі лідара нацыянальнага чэмпіянату баскетбалістак «МІНСКА» з вынікам 77:67. Лепшым іграком кубкавага розыгрышу прызнана адна з лідараў «Гарызонта» Настасся Верамеенка, якая набрала ў фінальным паядынку 24 ачкі.
У матчы за бронзу гродзенская «Алімпія» ўпэўнена перамагла «Гомельскіх рысей» — 99:65.
У мужчын вырашальныя сустрэчы за Кубак краіны таксама адбудуцца на пляцоўцы сталічнага РДВАР. У першым паўфінале 28 снежня дзеючыя ўладальнікі трафея баскетбалісты «МІНСКА» згуляюць з магілёўскім «Барысфенам». Другую паўфінальную пару склалі «Гродна-93» і віцебскі «Рубон». Год таму «МІНСК» 14-ы раз выйграў Кубак Беларусі, абыграўшы «Гродна-93» з лікам 77:63. У гульні за трэцяе месца «Барысфен» узяў верх над «Рубонам» — 75:66.
Уваход на ўсе кубкавыя сустрэчы свабодны.