Патрыятычная акцыя «Поезд Памяці» стартуе 22 чэрвеня ў Брэсце
Фота з архіва
8 лютага, Мінск . Культурна-адукацыйная патрыятычная акцыя «Поезд Памяці» стартуе 22 чэрвеня ў Брэсце. Аб гэтым паведаміў намеснік міністра адукацыі Аляксандр Кадлубай на пасяджэнні Камісіі Парламенцкага сходу па культуры, навуцы і адукацыі,
«Патрыятычная акцыя «Поезд Памяці» з 2021 года стала наглядным урокам гісторыі для маладога пакалення. Улічваючы паспяховы вопыт і значны выхаваўчы патэнцыял праекта, прынята рашэнне аб яго штогадовым правядзенні. У гэтым годзе акцыя пройдзе з 20 чэрвеня па 7 ліпеня, урачысты старт адбудзецца 22 чэрвеня ў Брэсце. Удзельнікі акцыі ад нашай краіны будуць вызначаны ў адпаведнасці з рэспубліканскім конкурсам «Я патрыёт сваёй краіны», — расказаў Аляксандр Кадлубай.
Як паведамлялася, у мінулым годзе ў патрыятычным праекце акрамя дзяцей з Беларусі і Расіі прымалі ўдзел прадстаўнікі Кыргызстана і Арменіі. У гэтым годзе плануецца падключыць Азербайджан. Акрамя таго, вядзецца работа з Казахстанам і Узбекістанам.
