У госці да Дзеда Мароза: сядзібы казачных персанажаў у Беларусі |
У навагоднія святы казачныя персанажы ў сядзібах сустракаюць гасцей у розных рэгіёнах Беларусі.
Галоўная рэзідэнцыя беларускага Дзеда Мароза — маёнтак у Белавежскай пушчы.
Маёнткі дзядулі Зюзі:
сядзіба палескага Дзеда Мароза — у Нацыянальным парку «Прыпяцкі»;
сядзіба Зюзі Паазерскага — побач з горадам Паставы.
У старажытнаславянскай міфалогіі Зюзя — бог Зімы. Яго часта называюць прадзедам Дзеда Мароза. Зюзю ўяўлялі белабародым дзядком нізкага росту, у лютыя маразы ён хадзіў басанож у белым футры з жалезнай булавой.
Сядзібы Дзеда Зімніка і Бабы Завірухі — у Налібоцкай пушчы (в. Залейкі Іўеўскага раёна).
Зімнік — родны брат Дзеда Мароза. Добры чараўнік вельмі падобны да знакамітага брата. Сцвярджае, што менавіта ён прыносіць снег і сцюжу.
Партызанскі Дзед Мароз — у комплексе партызанскай славы «Хаваншчына» (Івацэвіцкі раён).
Знешнасць у партызанскага Дзеда Мароза асаблівая: барада з пакулля, на галаве — шапка-вушанка, а на нагах — валёнкі, у кажусе і з партупеяй. У руцэ трымае посах, увянчаны чырвонай зоркай.
Рэзідэнцыя Дзеда Мароза — у ГКК «Лінія Сталіна».
Акрамя традыцыйнага ўбору таксама носіць парадны: да прывычнага футра дабаўлена армейская атрыбутыка — каракулевы каўнер і такая ж шапка з чырвонай зоркай.
Дзед Мароз сустракае гасцей у рэзідэнцыі ў парку імя Максіма Горкага (Мінск), Прыдзвінскай рэзідэнцыі (у Віцебскім раёне), на тэрыторыі Магілёўскага заасада, у казачнай рэзідэнцыі на плошчы Леніна ў Гомелі.
Крыніцы: Нацыянальнае агенцтва па турызме, адкрытыя крыніцы.